Situación de aprendizaxe Categoría C

Propoñémosche unha serie experiencias de aprendizaxe para profundar sobre como transformar a vosa aula e a súa relación coas solucións que garanten a sustentabilidade. Estas experiencias facilitarán a realización do voso traballo de participación.

Ecoinvestigadores/as!

O voso labor consiste en convencer ao resto de compañeiros e compañeiras do colexio para que se somen á transformación das súas aulas!

Pensade en como convencer ao resto de compañeiros/as do colexio por medio dun cartel con mensaxe.

Teredes que debuxar un deseño gráfico cun lema inspirador que axude ás aulas da vosa escola a sumarse á transformación sustentábel, concienciando á vosa contorna da importancia de ser respectuosos e facer un uso sustentábel da auga, os recursos e a enerxía, así como da reciclaxe e o valor do ambiente.

Agrupados en equipos creativos de traballo, pide ao alumnado que reflexione sobre o que significa ser sustentábel e como transmitilo por medio dunha mensaxe motivadora que anime ao resto da comunidade educativa a transformar as súas aulas.

SITUACIÓN DE APRENDIZAXE

1. Entrega a ficha a cada equipo.
2. Pide que reflexione sobre as actitudes que fan a unha persoa ser sustentábel: frases que evoquen o significado e a súa importancia no día a día, así como nas consecuencias de non selo (efectos negativos sobre o ambiente)
3. Pide que reflexionen sobre as accións diarias que fan da aula un lugar sustentábel (os 5 factores da sustentabilidade): exemplos que se adoptan na aula e que poden mostrarse como frases motivadoras.
4. Pide logo que reflexionen sobre a mensaxe ou lema: a partir dos pasos 2 e 3, pide que elaboren unha mensaxe motivadora e con gancho, que sexa convincente para a audiencia.
5. Pide que se imaxinen as imaxes que mellor representan o concepto da sustentabilidade, nos 5 factores (auga, recursos, enerxía, economía circular, xestión de residuos e reciclaxe), ou ben, imaxes que representen algunha das accións que se aplican á aula.
6. Cando cada equipo teña as frases e as imaxes seleccionadas, será o momento de poñelas en común.
   1. Recolle a ficha de cada equipo de traballo: expón todas as ideas no encerado.
   2. Debate grupal e votación: Seleccionade, como grupo-clase, a frase que mellor transmite a mensaxe, así como as imaxes que mellor se axustan á mensaxe.
7. Deseñade o cartel empregando as técnicas que máis vos gusten, desde as máis tradicionais (debuxado, con colaxe) ás máis modernas (con programas informáticos, etc.)
8. Unha vez estea creado, sobe o cartel á túa Área Privada de docente para participar no concurso.

FICHA DESCARGÁBEL

VOLVER