Situación de aprendizaxe Categoría D

Propoñémosche unha serie experiencias de aprendizaxe para profundar sobre como transformar a vosa aula e a súa relación coas solucións que garanten a sustentabilidade. Estas experiencias facilitarán a realización do voso traballo de participación.

Ecoinvestigadores/as!

O voso labor consiste en convencer ao resto de compañeiros e compañeiras do instituto para que se somen á transformación das súas aulas!

Pensade en como convencer ao resto de alumnos e alumnas do instituto por medio dun vídeo de tipo reel de Instagram ou TikTok, cunha mensaxe con gancho que motive ao resto de escolares do instituto para transformar a súa aula nunha aula sustentábel.

Deberedes crear un vídeo curto e dinámico, cunha mensaxe inspiradora que axude ás aulas do voso centro educativo a sumarse á transformación sustentábel, concienciando á vosa contorna da importancia de ser respectuosos co ambiente e facer un uso sustentábel da auga, dos recursos e da enerxía, da importancia da economía circular, así como da reciclaxe e a xestión dos residuos.

Agrupados en equipos creativos de traballo, pide ao alumnado que reflexione sobre o que significa ser sustentábel e como transmitilo por medio dunha mensaxe motivadora que anime ao resto da comunidade educativa a transformar as súas aulas.

SITUACIÓN DE APRENDIZAXE

1. Entrega a ficha a cada equipo.
2. Pide primeiro que reflexionen sobre que significa ser sustentábel, a importancia de adoptar actitudes sustentábeis, así como as consecuencias que ten non selo, sobre o planeta e o futuro dos recursos.
3. Pide despois que reflexionen sobre as accións diarias que fan da aula un lugar sustentábel: que accións seguen os 5 factores da sustentabilidade, con exemplos que se adoptan na clase e que poden mostrarse motivadoras para a audiencia.
4. Pide logo que reflexionen sobre a mensaxe: pide que elaboren unha mensaxe motivadora e con gancho, que sexa convincente para a audiencia. Poden investigar sobre o tema e seleccionar algúns datos de impacto (porcentaxes, previsións de futuro, etc.) que poderán mencionar ou deixar como unha sobreimpresión na imaxe do vídeo.
5. Cando cada equipo teña as ideas seleccionadas, será o momento de poñelas en común.
   1. Recolle a ficha de cada equipo de traballo: expón todas as ideas no encerado.
   2. Debate grupal e votación: Seleccionade, como grupo-clase, a frase que mellor transmite a mensaxe, así como as imaxes que mellor se axustan a esa mensaxe.
6. Unha vez estea creado o vídeo, súbeo en formato .mp4. á túa Área Privada de docente para participar no concurso.

FICHA DESCARGÁBEL

VOLVER